14 فبراير 2013

عيد الحبّ... من "حكاية صدفة"


وفي ليلة عيد المحبّة جاها
متبسّم كالعادة يغنّي 
 قدّم نجمة وزاد هنّاها
قاللها : "شفت الحبيب مستنّي
ورداتو الذّابلة سمّاها
باسم الحبّ فاقت تمنّي
قلب مشتاق كان نساها
وفي لحظة تذكّر حَبّ يهنّي"
وقاللها : "الحبّ غدوة عيدو"
قالت: "عيد الحبيب كان كلّ يوم
مع كلّ فجر وردة في إيدو
يصبّح ويفرّح من قبل ما نقوم
ننسى الوجيعة والنّكدّ والهموم ما يفيدو
إلاّ لطول السّهر ولسفر النّوم"
وسكتت تنهّدت وقالت: "ما عيد إلاّ عيدو
ما اكثر في حياتي الهموم!
العين والقلب وما يريدو
يا ليت على وردات الغالي نرجع نقوم"!!!
.................

وتجمعت طيور الصّبح لمّا شافت
وردة حبيب الرّوح جات تهنّي
خذاها شذاها وعطرها كيف فاحت
صدّح بصوت جميل وبدا يغنّي
فارح بفجر جديد من مدّة ساكت
نشوان بعبير الوردة كان مستنّي
تفيق الورود من بعد ما ماتت
تُنشر الفرح والعيد ترجع تمنّي...
بأيّام تعود من شهور فاتت
وقت اللّي كان بيها متهنّي


~مقطع من "حكاية صدفة"،،، وهيبة قويّة~



وأنت المرايا تلمّ زوايا العطور وغير الزّوايا ***مظفّر النوّاب*** وأنت المرايا تلمّ زوايا العطور وغير الزّوايا ***مظفّر النوّاب*** وأنت المرايا تلمّ زوايا العطور وغير الزّوايا ***مظفّر النوّاب***
زاوية دافئة من القلب *** مدوّنة خاصّة *** وهيبة قويّة *** الكتابة عصير تجربة ولحظة صدق تحرّرنا من قيود تسكن داخلنا، نحرّرها، فنتنفّس. ***وهيبة قويّة

الأكثر مشاهدة هذا الشهر

مرحبا بزائر زوايانا

free counters