عدّيت الأيّام... وهيبة قويّة

صورة من ملتقى محمّد البشروش بدار شعبان الفهري 
نوفمبر 2022،،، وهيبة قويّة

 

عَدِّيتْ لَيَّامْ بِالصَّبِرْ

وِطْوَالْ عْليّا عَدّْها

وْعَدِّيتْ اللّيالي بِنْجُومْها

نِبْنِي صْرُوحْ لَحْلامْ وِنْهِدّْهَا

وْعَدِّيتْ مْسَافاتْ وِبْرُورْ

مَا عَادْ لِخُطْوَاتِي مْداسْ وِنْمِدّْهَا

أَيّامْ الرّبيعْ مْنامَة وِصْحِيتْ

وْمَا لْقِيتْ في خْريفِي ضِدّْهْا

وِاللّي يِتْلَحِّفْ بِالأيّامْ

يِتْعَرَّى مَهْمَا يْحَاوِلْ يْشِدّْهَا...

وهيبة قويّة

من حكاية صدفة